Tuesday, 16 February 2016

சட்டியிலே | காளமேகப்புலவர் KalamekapPulavar 83

சோமேசன் (சிவன்) பிள்ளைக்கறி கேட்டார். சிறுத்தொண்டரும் (சிறுமைப்பட்ட தொண்டர்) அவரது மனைவி திருவெண்காட்டு-நங்கையும் தன் மகன் சீராளனை அறுத்துக் கறி சமைத்துத் தந்தனர்.
அந்தக் கறி சட்டியிலே பாதி (ஒருபகுதி) இருந்தது.
அகப்பையில் பாதி இருந்தது.
உண்ணுவதற்காக இட்ட உண்கலத்தில் பாதி இருந்தது.
கறி உண்ண ஆடிக்கொண்டு வந்த சோமேசர் “சீராளா” என்று அழைத்தார்.
சீராளன் உயிர் பெற்று ஓடிவந்தான்.
எப்படி? சொல்லுங்களேன்.

பாடல்

சட்டியிலே பாதியந்தச் சட்டுவத்தி லேபாதி
இட்டகலத் திற்பாதி யிட்டிருக்கத்- திட்டமுடன்
ஆடிவந்த சோசோமேசன் அழைத்தபோ தேபிள்ளை
ஒடிவந்த தெவ்வா றுரை .(83)

சட்டியிலே பாதி அந்தச் சட்டுவத்திலே பாதி இட்ட கலத்தில் பாதி இட்டிருக்கத் திட்டமுடன் ஆடிவந்த சோசோமேசன் அழைத்தபோதே பிள்ளை ஒடிவந்தது எவ்வாறு உரை.

14 ஆம் நூற்றாண்டில் தஞ்சையிலிருந்து அரசாண்ட விசயநகர மன்னன் திருமலைராயன் அவைக்களப் புலவர் அதிமதுரக் கவிராயர் சொன்னபடியெல்லாம் பாடி வெற்றி கண்ட காளமேகப் புலவர்.


No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி