Thursday, 12 November 2015

காளமேகப்புலவர் பாம்பு எலுமிச்சம்பழம்

காளமேகப்புலவர் பாம்பும் எலுமிச்சம்பழமும் ஒன்று எனச் சொல்லமைதியால் இரட்டுற மொழிந்து நிறுவியுள்ளார்.

பாடல்

பெரியவிட மேசேரும் பித்தர் முடியேறும்
அரியுண்ணும் உப்பு மேலாடும்எரிகுணமாம்
தம்பொழியுஞ் சோலைத் திருமலைரா யன்பரையில்
பாம்பும் எலுமிச்சம் பழம் (6)

பாம்பு பெரிய அளவில் விடம் (நஞ்சு) சேர்ந்திருக்கும்.
பித்தராகிய சிவபெருமான் முடிமேல் ஏறியிருக்கும்.
அரி (காற்று) உண்ணும்.
அதனால் (தலையானது) உப்பி மேலே படமெடுத்து ஆடும்.
எரிச்சல் (சினம்) குணம் உடையது

எலுமிச்சம்பழம் பெரியவர்களிடம் செல்லும்போது மரியாதை நிமித்தமாகத் தரப்பட்டுப் பெரியவர்களிடம் போய்ச் சேரும்.
பித்துப் பிடித்தவர் தலையில் தேய்க்கப்படும்.
அரிவாள்மணையில் ஊறுகாய்க்காக அரியப்படும்.
உப்பிட்டு ஊறும் உப்புமேல் ஆடும்.
சாறு கண்ணில் பட்டால் எரியும் குணம் கொண்டது.


1 comment:

  1. எலுமிச்சம் பழமா? ... எலிமிச்சம் பழமா? ... எலிமிச்சைதான் கரெக்ட் ... ஒரு கூடைல நிறைய பழங்கள் இருந்திச்சாம் ... அங்க வந்த சில எலிங்க அந்த கூடையில இருந்த பழங்களை எல்லாம் சாப்பிட்டதாம். ஆனா ஒரே ஒரு பழத்த மட்டும் சாப்பிடாம மிச்சம் வச்சுட்டு போயிட்டுதாம் ... ஏன்னா அது புளிப்பு...அன்றிலிருந்து இன்றுவரை அந்த பழத்த எலி மிச்சம் வைத்ததால ''எலி மிச்சம் பழம்'' என்று அன்போடு அழைத்து வருகிறோம்... >> சயின்டிபிக் ஜட்ஜ்மெண்ட்

    ReplyDelete

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி