Friday, 28 August 2015

மலைபடுகடாம் Malaipadukadam 76

நெய்க் கண் இறாஅல்
தேனடைக் கட்டியும்
தேன்பானையும்
முற்றத்தில் நிறைந்திருக்கும் பிற
  • மிளகுக் கொத்து - கருநிறக் கொடியில் காய்த்தது.
  • தேறல் - மூங்கில் குழாயில் விளைய வைத்த கஞ்சிக் கள் (தேன் கள்ளுமாம்)
  • காட்டெருமைத் தயிர் - மூங்கில் குழாயில் பிறை ஊற்றப்பட்டது
  • தேன் - பாறை இடுக்கில் கட்டிய தேன் கூட்டின் மீது நீல நிற ஓரிக்குரங்கு பாய்ந்து வீழ்த்திய சக்கரம் போன்ற கூட்டுடன் கூடிய தேன்வட்டு.
  • ஆசினி - உடம்புக்குத் தனித் தெம்பைத் தரும் குறும்பலா
இவையும் இவை போன்று குடமலையில் விளைந்த அனைத்துப் பொருள்களும் கொண்டுவந்து குவிக்கப்பட்டிருந்தன.

இவை, காவிரியாறு கடலோடு சேருமிடத்தில் (புகார்) கடல் வழியே கொண்டுவரப்பட்ட பண்டங்கள் குவிந்து கிடப்பது போல் குவிந்து கிடந்தன.

இவற்றில் எதுவுமே போரில் பெறப்பட்டது அன்று.         

பாடல் – சொல் பிரிப்புப் பதிவு

கருங் கொடி மிளகின் காய்த் துணர்ப் பசுங் கறி,        
திருந்து அமை விளைந்த தேக் கள் தேறல்
கான் நிலை எருமைக் கழை பெய் தீம் தயிர்,               
நீல் நிற ஓரி பாய்ந்தென, நெடு வரை
நேமியின் செல்லும் நெய்க் கண் இறாஅல்,   525
உடம்புணர்பு, தழீஇய ஆசினி, அனைத்தும்
குட மலைப் பிறந்த தண் பெருங் காவிரி         
கடல் மண்டு அழுவத்துக் கயவாய் கடுப்ப,   
நோனாச் செருவின் நெடுங் கடைத் துவன்றி             

செங்கண்மாத்து வேள் நன்னன் சேய் நன்னனை
இரணிய முட்டத்துப் பெருங்குன்றூர்ப் பெருங்கௌசிகனார் பாடியது
கி.மு. இரண்டாம் நூற்றாண்டுப் பாடல்


No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி