Tuesday, 25 August 2015

மலைபடுகடாம் Malaipadukadam 51

மண் கனை முழவின் தலைக்கோல்
தண்டுகால்
முழவு போல் பருத்த தலையை உடைய
ஊன்றுகோல் 
தண்டுகால்

  • பெரிய பாறைகள் உடைந்து உருளும் வழியில் [இகுப்பம்] செல்லாதீர்கள்.
  • ஆங்காங்கே குன்றுகளுக்கு இடையே துன்பம் தரும் காடுகள் உண்டு.
  • அவற்றை உற்று நோக்கினால் கண் கலங்கும்.
  • அங்கெல்லாம் முழவு-முகம் கொண்ட தலைக்கோலை ஊன்றுகோலாகப் பயன்படுத்திக்கொண்டு ஏறிச் செல்லுங்கள்.
  • இன்றேல் நேரும் துன்பம் பலப் பல.

முழவின் தண்டுகால்
மற்றொரு வகை 
பாடல் – சொல் பிரிப்புப் பதிவு

இருங் கல் இகுப்பத்து இறு வரை சேராது,      
குன்று இடம்பட்ட ஆர் இடர் அழுவத்து,          
நின்று நோக்கினும் கண் வாள் வௌவும்,      
மண் கனை முழவின் தலைக்கோல் கொண்டு,      370
தண்டுகால் ஆக, தளர்தல் ஓம்பி,          
ஊன்றினிர் கழிமின்; ஊறு தவப் பலவே:         

செங்கண்மாத்து வேள் நன்னன் சேய் நன்னனை இரணிய முட்டத்துப் பெருங்குன்றூர்ப் பெருங்கௌசிகனார் பாடியது
கி.மு. இரண்டாம் நூற்றாண்டுப் பாடல்


No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி