Wednesday, 19 August 2015

மலைபடுகடாம் Malaipadukadam 5

நாய் நாக்குப் போல்
விறலி காலடி
தலைவனைச் சுற்றிலும் விறலியர்

கலைக் கண்ணோட்டம் உள்ளவரைக் கண்ணுளர் என்கிறோம்.
யாழைக் கலம் என்றும் வழங்கினர்.
இவற்றின் வழியே பாணரைக் கலம்பெறு கண்ணுளர் என்று போற்றுகின்றனர்.


  • வெறி பிடிக்காத நாயின் நாக்கைப் போன்று ஈரமும் மென்மையும் கொண்ட காலடிகளை உடையவர்கள் விறலியர்.
  • தோகை விரித்தாடும் மயில்போல் அவர்கள் தம் கூந்தலை விரித்துக்கொண்டு ஆடுவர்.
  • மான் மருண்டும் மலைத்தும் பார்ப்பது போலத் தம் செவ்வரிக் கண்களின் பார்வையை வீசி ஆடுவார்கள்.
  • உள்ளக் கருத்தை உடலசைவால் வெளிப்படுத்தி யாழிசைக்கு ஏற்ப ஆடுபவள் விறலி.
  • இவர்கள் தலைவனின் ஆணைக்காகக் காத்துக்கொண்டு எப்போதும் அவனைச் சுற்றியே சென்று கொண்டிருந்தனர்.

பாடல் – சொல் பிரிப்புப் பதிவு

மதம் தபு ஞமலி நாவின் அன்ன,            
துளங்கு இயல் மெலிந்த, கல் பொரு சீறடி,   
கணம் கொள் தோகையின் கதுப்பு இகுத்து அசைஇ,            
விலங்கு மலைத்து அமர்ந்த சேயரி நாட்டத்து,         45
இலங்கு வளை, விறலியர் நிற்புறம் சுற்ற     

செங்கண்மாத்து வேள் நன்னன் சேய் நன்னனை இரணிய முட்டத்துப் பெருங்குன்றூர் பெருங்கௌசிகனார் பாடியது
கி.மு. இரண்டாம் நூற்றாண்டுப் பாடல்




No comments:

Post a Comment

Blog Archive


இந்தக் கருவிகளைப் பயன்படுத்தி உங்கள் கட்டுரையில் பிழையைத் திருத்திக்கொள்ளலாம்.