Monday, 24 August 2015

மலைபடுகடாம் Malaipadukadam 41

கலைக் குரங்கு பெரும்பழம் எனப்படும்
பலாவைத் தோண்டிய புண்
திசையெல்லாம் மணக்கும்
பலதிறப்பட்ட மலையோசைகள்
1
குரங்குகள் பலாப்பழங்களைத் தோண்டுவதால் பலாப்பழத்தின் புண் மலை முழுவதும் மணம் வீசிக் கமழும்.
2
கொட்டும் அருவியைத் துய்க்கும் வான்-அரமகளிர் நீர் கொட்டும் விசையையெல்லாம் வா1ங்கிக்கொண்டு நீராடும் ஒலியானது பாணர்கள் தம் இசைக்கருவிகளை முழக்குவது போல் கேட்கும்.
அரம்பை என்பது வாழைமரம்.
வாழைமரம் போல் அழகிய தோற்றம் கொண்டவர் அரம்பையர்.
அரம்பையர் என்போர் அரமகளிர்.
அரம்பையர் கற்பனைத் தெய்வம்.
பெண்தெய்வம்.
இது தமிழ்ச்சொல்.

பாடல் – சொல் பிரிப்புப் பதிவு

கலை தொடு பெரும் பழம் புண் கூர்ந்து ஊறலின்,  
மலை முழுதும் கமழும் மாதிரம்தோறும்,  
அருவி நுகரும் வான்அர மகளிர்,           
வரு விசை தவிராது வாங்குபு குடைதொறும்,           295
தெரி இமிழ் கொண்ட நும் இயம் போல் இன் இசை;               

செங்கண்மாத்து வேள் நன்னன் சேய் நன்னனை இரணிய முட்டத்துப் பெருங்குன்றூர்ப் பெருங்கௌசிகனார் பாடியது
கி.மு. இரண்டாம் நூற்றாண்டுப் பாடல்


No comments:

Post a Comment

Blog Archive


இந்தக் கருவிகளைப் பயன்படுத்தி உங்கள் கட்டுரையில் பிழையைத் திருத்திக்கொள்ளலாம்.