Sunday, 23 August 2015

மலைபடுகடாம் Malaipadukadam 38

மாநிழல் இறும்பு (காடு)
திசை தெரியா வேளை

  • வெயில் படாத மரமடர்ந்த காடாயினும், மக்கள் நடமாட்டம் இல்லாத நேரத்திலும் மானைத் தேடிக்கொண்டு குறவர்கள் வில்லும் கையுமாக அலைவர். அவர்களே திசை தடுமாறும் ஞாயிறு தெரியாக் கானகம் அது.
  • அக் குன்றங்களுக்குச் சென்றால் பாறைமீது அமர்ந்துகொண்டு உங்களுடைய இசைக்கருவிகளை முழக்குங்கள்
  • காட்டைக் காப்பாற்றிக்கொண்டு வாழும் கானவர்கள் அங்கெல்லாம் இருப்பார்கள்.
  • வழி தவறியவர்களுக்கெல்லாம் உதவ ஓடோடி வருவார்கள்.
  • தண்ணீரின் ஓசை போல் பாதுகாப்புக் குரல் கொடுத்துக் கொண்டே உங்களிடம் வந்து சேர்வார்கள்.

பாடல் – சொல் பிரிப்புப் பதிவு

மா நிழல் பட்ட மரம் பயில் இறும்பின்,
ஞாயிறு தெறாஅ மாக நனந் தலை,     
தேஎம் மருளும் அமையம் ஆயினும்,              
இறாஅ வன் சிலையர் மா தேர்பு கொட்கும்  
குறவரும் மருளும் குன்றத்துப் படினே,           275
அகன் கண் பாறைத் துவன்றிக் கல்லென      
இயங்கல் ஓம்பி, நும் இயங்கள் தொடுமின்:
பாடு இன் அருவிப் பயம் கெழு மீமிசை,           
காடு காத்து உறையும் கானவர் உளரே;           
நிலைத் துறை வழீஇய மதன் அழி மாக்கள்  280
புனல் படு பூசலின், விரைந்து வல் எய்தி,       

செங்கண்மாத்து வேள் நன்னன் சேய் நன்னனை இரணிய முட்டத்துப் பெருங்குன்றூர்ப் பெருங்கௌசிகனார் பாடியது
கி.மு. இரண்டாம் நூற்றாண்டுப் பாடல்



No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி