Saturday, 22 August 2015

மலைபடுகடாம் Malaipadukadam 28

இந்த மரத்தைக் கொட்டி எண் எழுதப்பட்டுள்ளது
பாடல் கொட்டிய இடத்தில்
செல்லுமிடத்தின் ஊர்ப்பெயரை
எழுதிவிட்டுச் செல்வதைக் குறிப்பிடுகிறது
மரங்ங் கொட்டி

  • மரமடர்ந்த காட்டில் ஆள் நடமாட்டம் இல்லாத வழியில் செல்லக் கூடாது.
  • அங்கு வெடிப்பு நிலங்களில் பரல் கற்கள் மூடிய வளைக்குள் பாம்பு இருக்கலாம்.
  • பின்னே வருபவர்களுக்கு வழி தெரிவதற்காக மரத்தைக் கல்லால் கொட்டி அடையாளம் செய்து வைத்துவிட்டுச் செல்லுங்கள்.
  • அப்படிப்பட்ட இடங்களைக் காணும்போது விறலியர் அதனைச் சுற்றிவந்து வாழ்த்துவர்.
  • அவ்வாறு செய்துவிட்டுச் செல்லுங்கள்.  

தமிழியல் – மரங்ங் கொட்டி - ஒற்றளபெடை

பாடல் – சொல் பிரிப்புப் பதிவு

நளிந்து பலர் வழங்காச் செப்பம் துணியின்
முரம்பு கண் உடைந்த பரல் அவல் போழ்வில்,         
கரந்து, பாம்பு ஒடுங்கும் பயம்புமார் உளவே;              
குறிக்கொண்டு, மரங்ங் கொட்டி, நோக்கி,       200
செறி தொடி விறலியர் கைதொழூஉப் பழிச்ச,            
வறிது நெறி ஒரீஇ, வலம் செயாக் கழிமின்  

செங்கண்மாத்து வேள் நன்னன் சேய் நன்னனை இரணிய முட்டத்துப் பெருங்குன்றூர்ப் பெருங்கௌசிகனார் பாடியது
கி.மு. இரண்டாம் நூற்றாண்டுப் பாடல்


No comments:

Post a Comment

Blog Archive


இந்தக் கருவிகளைப் பயன்படுத்தி உங்கள் கட்டுரையில் பிழையைத் திருத்திக்கொள்ளலாம்.