Friday, 21 August 2015

மலைபடுகடாம் Malaipadukadam 21

இப்படித் தூக்குவது சீர்
காவடி கட்டித் தூக்குதல்
கானவர் யானைத் தந்தத்தின்
இருபுறமும் கட்டித்
தூக்கிக்கொண்டு
சென்றனராம் 
கானவர் சிறுகுடியில் தேனும் கிழங்கும் பெறலாம்

  • ஆங்காங்கே கானவர் வாழும் வளம் மிக்க சிறுகுடிகள் இருந்தன.
  • அங்குள்ள கானவர் யானைத் தந்தத்தில் இருபுறமும் உறி கட்டி உணவுப்பண்ட வட்டில்களை (வட்டில் = கூடை) தம் இருப்பிடங்களுக்குச் சுமந்து சென்றனர். தேன், கிழங்கு, புலால் முதலானவை அவர்கள் சுமந்துசென்ற உணவுப் பொருள்கள்.
  • காட்டுப் பன்றிக் கறியும் அதில் இருந்தது. அந்த உணவுப் பொருள்களை அங்குச் சென்றவர் தம் சுற்றத்துடன் சேர்ந்து உண்ணும் அளவுக்கு அவர்கள் விருந்தாகப் படைப்பர்.

பாடல் – சொல் பிரிப்புப் பதிவு

தேனினர், கிழங்கினர், ஊன் ஆர் வட்டியர்,    
சிறு கண் பன்றிப் பழுதுளி போக்கி,       
பொருது தொலை யானைக் கோடு சீர் ஆக,  
தூவொடு மலிந்த காய கானவர்               155
செழும் பல் யாணர்ச் சிறுகுடிப் படினே,            
இரும் பேர் ஒக்கலொடு பதம் மிகப் பெறுகுவிர்        

செங்கண்மாத்து வேள் நன்னன் சேய் நன்னனை இரணிய முட்டத்துப் பெருங்குன்றூர்ப் பெருங்கௌசிகனார் பாடியது
கி.மு. இரண்டாம் நூற்றாண்டுப் பாடல்



No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி