Thursday, 21 May 2015

புறநானூறு 328

இந்த முயல் பூவை
உண்கிறது.
பாடலில்
முஞ்ஞை இலையைக்
கறிக்கிறது
அவன் முல்லைநிலச் சிற்றூர் மன்னன். 
அந்த நிலத்தில் நெல் விளையாது. 
விளைந்துள்ள வரகு, தினை ஆகியவற்றையெல்லாம் வந்தவர்களுக்கெல்லாம் வழங்கியை தீர்ந்துவிட்டன. 
அவன் அப்படி இருந்தாலும் நீ அதனைப் பற்றி எண்ணாதே.
பாண!
பானையில் வெள்ளம் போல ஊற்றிவைத்துள்ள பானையில் ஒரு சொட்டு உறை விட்டதும் அந்தத் திருட்டுப் புளிச்சுவை எல்லாப் பாலையும் திரித்துவிடுவது போல அவன் பிறரையெல்லாம் மாற்றிவிடுவான்.
பிறர் தந்த அரிசியில் நெய்யும் புலால் கறியும் கலந்து கிண்டிய களியை உண்ணத் தருவான்.
முஞ்ஞை தாளித் தொட்டியில் வளர்க்கப்படும். அதனை முயல் வந்து கறிக்கும் சிற்றூர் அரசன் அவன். அவனைப் பாடிக்கொண்டு சென்றால் நீ வேண்டியதைப் பெறலாம்.

பாடல் (சொற்பிரிப்புப் பதிவு)


..........டை முதல் புறவு சேர்ந்திருந்த
புன் புலச் சீறூர், நெல் விளையாதே;
வரகும் தினையும் உள்ளவை எல்லாம்
இரவல் மாக்களுக்கு ஈயத் தொலைந்தன;
................. டு அமைந்தனனே;        5
அன்னன் ஆயினும், பாண! நன்றும்
வெள்ளத்திடும் பாலுள் உறை தொட....
களவுப் புளி அன்ன விளை....
..............வாடு ஊன் கொழுங் குறை
கொய் குரல் அரிசியொடு நெய் பெய்து அட்டு,             10
துடுப்பொடு சிவணிய களிக் கொள் வெண் சோறு
உண்டு, இனிது இருந்த பின்
... ... ... ... .... ... தருகுவன் மாதோ
தாளி முதல் நீடிய சிறு நறு முஞ்ஞை
முயல் வந்து கறிக்கும் முன்றில்,          15
சீறூர் மன்னனைப் பாடினை செலினே.

திணை வாகை; துறை மூதில் முல்லை.
பங்கு ............................. பாடியது.

காலம் : கி.மு. இரண்டாம் நூற்றாண்டு



No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி