Saturday, 16 May 2015

புறநானூறு 318

ஊரே பசியோடு கிடக்கிறது. 
கருவுற்றிருகும் பெண்களும், தாய்ப்பால் ஊட்டும் பெண்களும் மாயோள் எனப்படுவர். இவர்கள் பட்டினிக் கிடக்கக் கூடாது. 
இங்கு மாயோளும் பசியோடு கிடக்கிறாள். 
  • ஊர் மக்கள் கொய்துவந்த கீரை வாடிக்கிடக்கிறது. 
  • விறகு அடுப்பு மூட்டாமல் காய்ந்து கிடக்கிறது. 
  • கீரையைக் கூடச் சமைக்கவில்லை. 
பெருந்தகை வேந்தன் விழுமம் உற்றான். போரில் விழுப்புண் பட்டுக் கிடக்கிறான். அதனால் இப்படிப் பட்டினி.
ஆண் பெண் சிட்டுக்குருவி
  • சமைக்க வைத்திருந்த நெல்லரிசியை வீட்டுக் கூரையில் வாழும் சிட்டுக்குருவி ஆணும் பெண்ணுமாகச் சேர்ந்து உண்டுவிட்டு கூரைக்கூட்டில் மகிழ்ச்சியாக இருக்கிறது.
படம்
வீட்டில் உள்ள சிட்டுக்குருவிக் கூடு
பாடல்
கூரை இறவானத்தில் உள்ள
சிட்டுக்குருவிக் கூடு
பாணர் யாழில் தொங்கும் சுகிர் (குஞ்சம்) போலவும், சிங்கத்தின் பிடரிமயிர் போலவும் கூடு கட்டியிருக்கும் குருவிகள் அவை.

பாடல் (சொற்பிரிப்புப் பதிவு)

கொய் அடகு வாட, தரு விறகு உணங்க,
மயில்அம் சாயல் மாஅயோளொடு
பசித்தன்று அம்ம, பெருந்தகை ஊரே
மனை உறை குரீஇக் கறை அணல் சேவல்,
பாணர் நரம்பின் சுகிரொடு, வய மான் 5
குரல் செய் பீலியின் இழைத்த குடம்பை,
பெருஞ் செய் நெல்லின் அரிசி ஆர்ந்து, தன்
புன் புறப் பெடையொடு வதியும்
யாணர்த்து ஆகும் வேந்து விழுமுறினே.

திணை வாகை; துறை வல்லாண் முல்லை.
பெருங் குன்றூர் கிழார் பாடியது.

காலம் : கி.மு. இரண்டாம் நூற்றாண்டு


No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி