Tuesday, 12 May 2015

புறநானூறு 306

இண்டு என்னும் கழல்முள்
இந்த முள்வேலி கொண்டது பாடலில் வரும் சிற்றூர்
அந்த முதுகுடிப் பெண் நடுகல் கடவுளை வழிபட்டாள். 
  • விருந்தினர்கள் என் இல்லத்துக்கு வரவேண்டும்.
  • என் கணவனுக்கும், வேந்தனுக்கும் நாடு விரிவாக்கும் பகைவனோடு போர் வரவேண்டும்.
அவள் கடவுளைக் கேட்ட வரங்கள் இவை இரண்டு மட்டுமே. (போர் மூண்டால் கணவன் வெற்றி பெறுவான் என்பது அவளது அலாதி நம்பிக்கை.
  • அவள் தழைத்து வளர்ந்த மென்மையான கூந்தலை உடையவள். 
  • அரிவை பருவத்தவள். (18-24 ஆண்டு). 
  • சிற்றூரில் வாழ்பவள். 
  • அரிதாக நீர் ஊறும் கூவல்-கிணறுகளைக் கொண்ட ஊர் அது. 
  • கழல்-முள் வேலியைக் கொண்ட ஊர் அது. 
  • ஆண் யானைகள் ஒன்றோடொன்று போரிண்டுக்கொள்ளும்போது மிதிபட்டுக் கலங்கும் கழல்முள் வேலி அது. 
(கழல்முள்ளைக் கழல்கொடி என்று பழைய உரை குறிப்பிடுகிறது. இது வரப்பூலா-முள் அல்லது இண்ட-முள், இண்டு-முள் எனவும் கொள்ளத் தகும்).  

பாடல் (சொற்பிரிப்புப் பதிவு)

களிறு பொரக் கலங்கு, கழல் முள் வேலி,
அரிது உண் கூவல், அம் குடிச் சீறூர்
ஒலி மென் கூந்தல் ஒள் நுதல் அரிவை
நடுகல் கை தொழுது பரவும், ஒடியாது;
விருந்து எதிர் பெறுகதில் யானே; என்னையும்   5
... ... ... ... ... ... ...வேந்தனொடு
நாடுதரு விழுப் பகை எய்துக எனவே.

திணை வாகை; துறை மூதில் முல்லை.
அள்ளூர் நன்முல்லையார் பாடியது.

காலம் : கி.மு. இரண்டாம் நூற்றாண்டு

No comments:

Post a Comment

Blog Archive


இந்தக் கருவிகளைப் பயன்படுத்தி உங்கள் கட்டுரையில் பிழையைத் திருத்திக்கொள்ளலாம்.