Tuesday, 12 May 2015

புறநானூறு 305

இப்படிப்பட்ட ஒரு பார்ப்பான் தூது
முற்றுகைப் போரை நிறுத்தியது
பார்ப்பான் ஒருவன் எதோ சொன்னான். போர் முற்றுகை விலக்கிக்கொள்ளப்பட்டது. மிகவும் நன்று – இவ்வாறு பாடல் கூறுகிறது.
  • அந்தப் பார்ப்பான் பசலைக்கொடி போல் வாடிய இடுப்பினை உடையவன். மென்மையாக ஊர்ந்து நடப்பவன். 
  • பச்சை மனம் கொண்டவன். 
  • அவன் இரவு வேளையில் வந்தான். 
  • அரண்மனை வாயிலில் யாராலும் தடுத்து நிறுத்தப்படாமல் உள்ளே சென்றான். 
ஏதோ சில சொல் சொன்னான். (தூது). 
  • அதனைக் கேட்டதும் முற்றுகை இட்டவர் மதிலில் ஏறச் சாத்திய ஏணியை எடுத்துவிட்டனர். (முற்றுகையை விட்டுவிட்டனர்). அடைக்கப்பட்டிருந்த கோட்டைக் கதவின் சீப்பு (கீழ்த்தாழ்ப்பாள்) களையப்பட்டது. (கோட்டைக்கதவு திறந்து விடப்பட்டது).
போர் நின்றது.

பாடல் (சொற்பிரிப்புப் பதிவு)

வயலைக் கொடியின் வாடிய மருங்குல்,
உயவல் ஊர்தி, பயலைப் பார்ப்பான்
எல்லி வந்து நில்லாது புக்கு,
சொல்லிய சொல்லோ சிலவே; அதற்கே
ஏணியும் சீப்பும் மாற்றி,   5
மாண் வினை யானையும் மணி களைந்தனவே.

திணை வாகை; துறை பார்ப்பன வாகை.
மதுரை வேளாசான் பாடியது.

காலம் : கி.மு. இரண்டாம் நூற்றாண்டு


No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி