Saturday, 9 May 2015

புறநானூறு 300

தோல் தா என்றான் | பெற்றான் | பாறைக்குப் பின்னால் ஒளிந்துகொள்பவன் போல மறைந்துகொள்கிறான் | கோழை
தோல் என்பது மார்புக் கவசம். வீரனே! தோல் தா, தோல் தா என்று கேட்கிறாய். நாங்கள் தந்தோம். அதனை அணிந்துகொண்டு பெரிய பாறைக்குப் பின்னால் ஒளிந்துகொள்பவன் போலக் காணப்படுகிறாய்.
  • நேற்று நீ ஒரு வீரனை வீழ்த்தினாயே அவன் தம்பி உன்னைக் கொல்வதற்குத் தேடிக்கொண்டிருக்கிறான். தீ கக்கும் எரிமலை போலத் தன் கண்ணைச் சுழற்றிக்கொண்டு தேடிக்கொண்டிருக்கிறான். 
  • அவனது பேரூர் அவனுக்குக் கள் வார்த்திருக்கிறது. 
  • அதற்குக் கைம்மாறாக ஓர் இல்லம் கொண்ட கோயிலை (அரசனின் அரண்மனையையே வீழ்த்தத் தேடிக்கொண்டிருக்கிறான். 
(நீ ஒளிந்திருப்பதால் பயன் ஒன்றும் இல்லை. அந்த மறவன் உன்னைக் கொல்லாமல் விடமாட்டான்). 

பாடல் (சொற்பிரிப்புப் பதிவு)

'தோல் தா; தோல் தா' என்றி; தோலொடு
துறுகல் மறையினும் உய்குவை போலாய்;
நெருநல் எல்லை நீ எறிந்தோன் தம்பி,
அகல் பெய் குன்றியின் சுழலும் கண்ணன்,
பேர் ஊர் அட்ட கள்ளிற்கு           5
ஓர் இல் கோயில் தேருமால் நின்னே.


திணை தும்பை; துறை தானை மறம்.
அரிசில் கிழார் பாடியது.

காலம் : கி.மு. இரண்டாம் நூற்றாண்டு

No comments:

Post a Comment

Blog Archive


இந்தக் கருவிகளைப் பயன்படுத்தி உங்கள் கட்டுரையில் பிழையைத் திருத்திக்கொள்ளலாம்.