Friday, 17 April 2015

சிறுபாணாற்றுப்படை, ஆமூர் - பகுதி 21

மணிச்சிரல்
ஆமூர் மருத வளம் மிக்க ஊர்
நல்லியக்கோடனின் ஆமூர் மருத நிலவளம் மிக்க ஊர்.
அங்கு உயரமில்லாமல் வளர்ந்திருந்த காஞ்சி மரத்தில் ஆழமான நீர்நிலையின் பக்கமாகச் சாய்ந்திருந்த கிளையில் அமர்ந்திருந்த சிரல் என்று சொல்லப்படும் மீன்கொத்திக் குருவி அம் மரத்தடிப் பொய்கையிலிருந்த மீனைக் கொத்தப் பாய்ந்தது. அதன் கால் நகம் தாமரை இலையைக் கிழித்தது. மீனைக் கொத்திக் கொண்டு அங்கே அன்று மலர்ந்த தாமரைப் பூவின்மேல் அமர்ந்தது. அதன் குருவி-நீல நிறம். நிலாவைப் போல் மலர்ந்திருந்த தாமரையை அது மறைத்தது. இச்செயல் கிரகண நாளில் நிலாவைப் பாம்பு மறைத்துவிட்டு விலகுவது போல இருந்தது.
இத்தகைய நீர்வளம் மிக்க ஊர்தான் ஆமூர்.
அவ்வூருக்கு அகழியும் உண்டு.
அங்கு அந்தணர்கள் வருவதில்லை.
உழவர்கள் மட்டுமே வாழ்ந்து வந்தனர்.
அங்குச் சென்றால்….
பாட்டு
நறும் பூங் கோதை தொடுத்த நாள் சினைக்  
குறுங் கால் காஞ்சிக் கொம்பர் ஏறி,      
நிலை அருங் குட்டம் நோக்கி, நெடிது இருந்து,          180
புலவுக் கயல் எடுத்த பொன் வாய் மணிச் சிரல்        
வள் உகிர் கிழித்த வடு ஆழ் பாசடை,  
முள் அரைத் தாமரை முகிழ் விரி நாள்போது             
கொங்கு கவர் நீலச் செங் கண் சேவல்               
மதி சேர் அரவின் மானத் தோன்றும்   185
மருதம் சான்ற மருதத் தண் பணை,    
அந்தணர் அருகா, அருங் கடி வியல் நகர்,       
அம் தண் கிடங்கின், அவன் ஆமூர் எய்தின் 
பின்தொடர்ச்சி


No comments:

Post a Comment

Blog Archive


இந்தக் கருவிகளைப் பயன்படுத்தி உங்கள் கட்டுரையில் பிழையைத் திருத்திக்கொள்ளலாம்.