Thursday, 26 March 2015

பொருநராற்றுப்படை பகுதி 22

சோறு தின்ற கருங்காக்கை ஆமைப் பார்ப்பிகளை உண்ணப் பார்க்கும்
முன்பகுதி
ஐந்திணை மயக்கம்
நிலம், புள்
குறிஞ்சி, முல்லை, மருதம், நெய்தல் என்னும் நானில வளங்களும் காவிரி புரக்கும் கரிகாலன் நாட்டில் மயங்கிக் கிடந்தன. பாலை நிலத்தின் பாங்கும் பாவிக் கிடந்தது.
கடற்கரையில் மாமரங்கள்.
அவற்றை அடுத்துத் தாழை மரங்கள்.
தாழைமரக் கழிகளை அடுத்து வளவயற் சோலை (தண்டலை)
குடில்களில் கூலம் சேமிக்கும் குதிர்க் கூடுகள்.
கருங்காக்கைகள் அக்குடியில் வாழும் மக்கள் வைத்த நெல்லஞ் சோற்றைத் தின்று சலித்தபோது வீட்டு நொச்சிக்குக் கீழே பொறித்திருக்கும் ஆமைக் குஞ்சுகளைக் கவர்ந்துண்ணப் பார்க்கும்.
தாய்-ஆமை அதன் குஞ்சுகளைக் காப்பாற்றும்.
பாட்டு

திரை பிறழிய இரும் பௌவத்துக்  
கரை சூழ்ந்த அகன் கிடக்கை,  
மா மாவின் வயின் வயின் நெல்,    180
தாழ் தாழைத் தண் தண்டலை,
கூடு கெழீஇய, குடிவயினான்,  
செஞ் சோற்ற பலி மாந்திய
கருங் காக்கை கவர்வு முனையின், 
மனை நொச்சி நிழல் ஆங்கண், 185
ஈற்று யாமை தன் பார்ப்பு ஓம்பவும்;


No comments:

Post a Comment

Blog Archive


எழுத்துப் பிழை திருத்தி

சந்திப் பிழை திருத்தி

தமிழ் வலைப்பதிவு திரட்டி