Tuesday, 23 December 2014

புறநானூறு # 149

பண் பாடும் பாணர்
மருதப் பண் காலையில் பாடவேண்டிய பண். செவ்வழிப் பண் மாலையில் பாடவேண்டிய பண்.
நள்ளி! நீ வாழ்க. உன் கொடைவளத்தைப் பெற்றிருக்கும் மகிழ்ச்சியில் என் சுற்றத்தார் பண் பாடவேண்டிய கால நெறிமுறைகளையும் மறந்து இருட்டு வரும் மாலை வேளையில் மருதப் பண்ணையும், காலையில் எழுந்ததும் செவ்வழிப் பண்ணையும் பாடுகின்றனர். உன் கொடை எல்லை கடந்த நிலையில் உள்ளது.

பாடல்

நள்ளி! வாழியோ; நள்ளி! நள்ளென்
மாலை மருதம் பண்ணி, காலை
கைவழி மருங்கின் செவ்வழி பண்ணி,
வரவு எமர் மறந்தனர் அது நீ
புரவுக் கடன் பூண்ட வண்மையானே.                 5

திணை பாடாண் திணை; துறை பரிசில் துறை.
கண்டீரக் கோப் பெருநள்ளியை வன்பரணர் பாடியது.

காலம் : கி.மு. மூன்றாம் நூற்றாண்டு முதல் கி.பி. இரண்டாம் நூற்றாண்டு


No comments:

Post a Comment

Blog Archive


இந்தக் கருவிகளைப் பயன்படுத்தி உங்கள் கட்டுரையில் பிழையைத் திருத்திக்கொள்ளலாம்.