Tuesday, 23 December 2014

புறநானூறு # 148

நள்ளி நாட்டு மலை
ஒரு பகுதி
நள்ளி! உன் வளனைப் பாராட்டிப் பாடிய நாளெல்லாம் நீ அரிய பொருள்களையும் களிற்றையும் அளித்தாய். அவற்றை என் ஊருக்குக் கொண்டுவந்து என்னை முற்றுகையிட்டு வாழும் என்னைச் சார்ந்தவர்களுக்குக் கொடுத்து வாழ்கிறேன். அதனால் சிறப்பில்லாத மன்னர்களின் புகழ்ச்சியைப் பெறுவதற்காக அவர்கள் செய்யாத செயல்களைப் புகழ்ந்து கூறுதலை என் நாக்கு ஒருநாளும் செய்யவேண்டிய நிலை இல்லாமல் போயிற்று.
நள்ளி அருவி தோன்றும் மலைநாடன்.  

பாடல்

கறங்கு மிசை அருவிய பிறங்கு மலை நள்ளி! நின்
அசைவு இல் நோன் தாள் நசை வளன் ஏத்தி,
நாள்தொறும் நன் கலம் களிற்றொடு கொணர்ந்து,
கூடு விளங்கு வியல் நகர், பரிசில் முற்று அளிப்ப;
பீடு இல் மன்னர்ப் புகழ்ச்சி வேண்டி,    5
செய்யா கூறிக் கிளத்தல்
எய்யாதாகின்று, எம் சிறு செந் நாவே.

திணை பாடாண் திணை; துறை பரிசில் துறை.
கண்டீரக் கோப் பெருநள்ளியை வன்பரணர் பாடியது.

காலம் : கி.மு. மூன்றாம் நூற்றாண்டு முதல் கி.பி. இரண்டாம் நூற்றாண்டு


No comments:

Post a Comment

Blog Archive


இந்தக் கருவிகளைப் பயன்படுத்தி உங்கள் கட்டுரையில் பிழையைத் திருத்திக்கொள்ளலாம்.