Monday, 15 December 2014

புறநானூறு # 130

ஒரு யானை பத்துக் குட்டி போடுமோ
ஆய் அரசனே! உன் நாட்டிலுள்ள இளம் பெண்யானைகள் ஒவ்வொரு முறையும் பத்துக் கன்றுகள் போடுமோ! நீ உன்னை நாடி வந்தவர்களுக்குக் கொடையாக வழங்கிய யானைகளின் எண்ணிக்கை போரிட வந்த கொங்கரை நீ மேலைக்கடல் பக்கம் ஓடும்படிச் செய்தபோது அவர்கள் வீசிவிட்டு ஓடிய வேலைக் காட்டிலும் எண்ணிக்கையில் அதிகமாக உள்ளதே!

பாடல்

விளங்கு மணிக் கொடும் பூண் ஆஅய்! நின் நாட்டு
இளம் பிடி ஒரு சூல் பத்து ஈனும்மோ?
நின்னும் நின்மலையும் பாடி வருநர்க்கு,
இன் முகம் கரவாது, உவந்து நீ அளித்த
அண்ணல் யானை எண்ணின், கொங்கர்க்      5
குட கடல் ஓட்டிய ஞான்றைத்
தலைப்பெயர்த்திட்ட வேலினும் பலவே!

திணை பாடாண் திணை; துறை இயன்மொழி.
ஆயை உறையூர் ஏணிச்சேரி முடமோசியார் பாடியது.

காலம் : கி.மு. மூன்றாம் நூற்றாண்டு முதல் கி.பி. இரண்டாம் நூற்றாண்டு


No comments:

Post a Comment

Blog Archive


இந்தக் கருவிகளைப் பயன்படுத்தி உங்கள் கட்டுரையில் பிழையைத் திருத்திக்கொள்ளலாம்.