Friday, 12 December 2014

புறநானூறு # 124

புலவர் ஒருவர்
மலையமான் திருமுடிக் காரியைப் பாடிய புலவர் எந்த நாளில் சென்றிருந்தாலும், சகுனத் தடையோடு சென்றிருந்தாலும், அரசனைக் காணுவதற்கு உரிய பதம் பார்த்துச் செல்லாதிருந்தாலும், அவன் திறமை அல்லாத வேறி எதையோ பாடினாலும் வெறுங்கையோடு மீளமாட்டார்கள். அருவி ஒழுகும் மலையனுக்கு அதுதான் பெருமை.

பாடல்

நாள் அன்று போகி, புள் இடை தட்ப,
பதன் அன்று புக்கு, திறன் அன்று மொழியினும்,
வறிது பெயர்குநர் அல்லர் நெறி கொளப்
பாடு ஆன்று, இரங்கும் அருவிப்
பீடு கெழு மலையன் பாடியோரே. 5

திணை பாடாண் திணை; துறை இயன்மொழி.
மலையமான் திருமுடிக்காரியைக் கபிலர் பாடியது.

காலம் : கி.மு. மூன்றாம் நூற்றாண்டு முதல் கி.பி. இரண்டாம் நூற்றாண்டு


No comments:

Post a Comment

Blog Archive


இந்தக் கருவிகளைப் பயன்படுத்தி உங்கள் கட்டுரையில் பிழையைத் திருத்திக்கொள்ளலாம்.