Monday, 10 November 2014

புறநானூறு 84 Purananuru 84

புல் வகை தானிய உணவு 'புற்கை'
இதனைச் சைவ உணவு என்கிறோம்
என் தலைவன் புல் தரும் (சைவ) உணவை உண்டாலும் பருத்த தோளை உடையவனாக இருக்கிறான். நான் வெளி உலகில் திரிந்தாலும் பசப்பு ஊறும் மேனியோடு பொன்னிறம் கொண்டவளாக இருக்கிறேன். என் தலைவன் போர்க்களம் புகுந்தால் அவனை எதிர்க்கும் மள்ளர்களுக்கு உப்பு விற்கச் செல்லும் உமணர்களுக்கு எறவேண்டி வரும் வெறுக்கத் தக்க மேட்டுத்துறை போன்றவனாக இருக்கிறான்.
மள்ளர் – (மறவர்) – வெல்வோம் என்று ஊரில் விழாக் கொண்டாடிவிட்டு வரும் மள்ளர். இவர்கள் எதிர்கொள்ள முடியாத துறை போன்றவன் கிள்ளி.

பாடல்

என்னை, புற்கை உண்டும் பெருந் தோளன்னே;
யாமே, புறஞ் சிறை இருந்தும் பொன் அன்னம்மே;
போர் எதிர்ந்து என்னை போர்க் களம் புகினே,
கல்லென் பேர் ஊர் விழவுடை ஆங்கண்,
ஏமுற்றுக் கழிந்த மள்ளர்க்கு 5
உமணர் வெரூஉம் துறையன்னன்னே.

திணை கைக்கிளை; துறை பழிச்சுதல்.
அவனைப் பெருங்கோழிநாய்கன் மகள் நக்கண்ணையார் பாடியது.

காலம் : கி.மு. 3 ஆம் நூற்றாண்டு முதல் கி.பி. 2 ஆம் நூற்றாண்டு


No comments:

Post a Comment

Blog Archive


இந்தக் கருவிகளைப் பயன்படுத்தி உங்கள் கட்டுரையில் பிழையைத் திருத்திக்கொள்ளலாம்.