Tuesday, 30 September 2014

புறநானூறு 8 Purananuru 8

ஞாயிறு மறைந்து எழும்
சேரலாதனோ
இரவிலும்
மறைந்துகொள்ளாமல்
வழங்குவான்

  • சேரலாதன் இந்த வையத்தில் உள்ள அரசர்கள் எல்லாரும் தன் சொல்லுக்குப் பணிந்து நடக்கும் போகம் வேண்டும் எனக் கருதி, எல்லா அரசர்களும் சமம் என்னும் பொதுச்சொல்லைப் பொறுக்காமல், தன் நாடு சிறியது என்று ஊக்கம் கொண்டு போராடி வென்று பெற்றதைத் தனக்கென வைத்துக்கொள்ளாமல் கொடுத்து மகிழ்கிறான்.
  • ஞாயிறே!
  • இவனுக்கு நீ நிகராவாயா?
  • காலம் கணித்துக்கொண்டு வருகிறாய். பின்வாங்கிச் செத்துவிடுகிறாய். திரும்பவும் வருகிறாய். மேகத்துக்குள் மறைந்துகொள்கிறாய். அப்படி இருந்தும் வானத்தில் கதிர் வீசிக்கொண்டு பகட்டாக வருகிறாயே!

பாடல்
வையம் காவலர் வழிமொழிந்து ஒழுக,
போகம் வேண்டி, பொதுச் சொல் பொறாஅது,
இடம் சிறிது என்னும் ஊக்கம் துரப்ப,
ஒடுங்கா உள்ளத்து, ஓம்பா ஈகை,
கடந்து அடு தானைச் சேரலாதனை
யாங்கனம் ஒத்தியோ? வீங்கு செலல் மண்டிலம்!
பொழுது என வரைதி; புறக்கொடுத்து இறத்தி;
மாறி வருதி; மலை மறைந்து ஒளித்தி;
அகல் இரு விசும்பினானும்
பகல் விளங்குதியால், பல் கதிர் விரித்தே.

திணை பாடாண் திணை; துறை இயன்மொழி; பூவை நிலையும் ஆம்.
சேரமான் கடுங்கோ வாழியாதனைக் கபிலர் பாடியது.

காலம் : கி.மு. 3 முதல் கி.பி. 2 (நூற்றாண்டு)


No comments:

Post a Comment

Blog Archive


இந்தக் கருவிகளைப் பயன்படுத்தி உங்கள் கட்டுரையில் பிழையைத் திருத்திக்கொள்ளலாம்.